1 ա Տէրն է թագաւոր. Ժողովուրդները թող շփոթուին. բ նա նստում է քերովբէների վերայ՝ թող երկիրը շարժուի։
2 գ Տէրը մեծ է Սիօնումը. Եւ նա բարձր է ամեն ժողովուրդների վերայ։
3 Թող օրհնեն դ քո մեծ եւ ահաւոր անունը. Որ սուրբ է։
4 ե Եւ թագաւորի զօրութիւնը իրաւունք է սիրում. Դու հաստատեցիր ուղիղ կարգը. Դու իրաւունք եւ արդարութիւն արիր Յակոբի մէջ։
5 զ Բարձր արէք մեր Տէր Աստուծուն. Եւ երկրպագութիւն արէք է նորա ոտների պատուանդանի առաջին. ը նա սուրբ է։
6 թ Մովսէսը եւ Ահարօնը նորա քահանաների մէջ, եւ Սամուէլը նորա անունը կանչողների մէջ, ժ դէպի Տէրը կանչեցին եւ նա լսեց նորանց։
7 ի Ամպի սիւնումը նա խօսում էր նորանց հետ. Նորանք պահում էին նորա վկայութիւնները եւ օրէնքը որ տուաւ նորանց։
8 Ով Տէր՝ մեր Աստուածը, դու որ լսում էիր նորանց. Դու նորանց համար լ ներող Աստուած էիր, թէեւ խ վրէժ խնդրող՝ նորանց գործերի համար։
9 ծ Բարձր արէք մեր Տէր Աստուծուն եւ երկրպագութիւն արէք դէպի նորա սուրբ սարը, որ մեր Տէր Աստուածը սուրբ է։
Սաղմոս 99